Pua Lili Lehua (F)
Vamp
①`Auhea wale ana `oe
E ka pua lililehua
A he `ipo ho`ohenoheno
E ho`ohihi ai no ka mana`o
②Iâ `oe e `imi ana
I nâ nani o ka `âina
Eia nô lâ au ma `ane`i
E kali ana i kou ho`i mai
③E `alawa mai ho`i `oe
I nei mau maka onaona
He mau maka po`ina `ole
E kapalili ai kô pu`uwai
④Hilo pa`a ia ke aloha
I ka lino hilo pa walu
`A`ohe mea e hemo `ai
Me au `oe a mau loa
⑤Ha`ina mai ka puana
E ka pua lili lehua
A he `ipo ho`ohenoheno
E ho`ohihi ai no ka mana`o
